Mann

Kaise badalte hain hum,
kabhi is gali kabhi uss dagar,
kaise machalta hai mann...
kabhi to kuch pana chahe,
kabhi wahi pasand na aaye..
jisko paane ki chah
kabhi ise jakadti jaye,.
mil jane par wahi
isko santushti raas na aaye

kabhi to thehar ja
thoda sa tham ja
kisi ik mod pe ruk kar
kabhi to nazaare ka luft utha,..

kyon har baar ise kuch naya sa chahiye
 kyon har baar ise kuch alag karna hai
kyon roke nahi rukta ye
kyon chalte hi jaana hai

kuch acha kuch bura hai ismein
kyon bura ye tyag na paaye
santusht ho jaye yadi ye
par badhne ki, kuch karne ki chah na jaye....