aaj baithe hain kitaab khol kar

aaj baithe hain kitaab khol kar
likhne ki har vajah tatol kar
aj likhenge hum jo kabhi likha nahi
vo sab kuch jo vyakt kabhi kiya nahi
aaj sab keh dalenge khud se
baatein karenge aaj dil khol kar

aaj baithe hain hum kitaab khol kar
padhne ko vo jo kabhi dikha nahi
aaj samjhenge vo sab baatein
jo kabhi humne khud se ki nahi
aaj jaanenge dil ki har vo tamanna
anjaan ban kar rahe jinse aaj tak

aaj baithe hain hum kitaab khol kar
bharne ko vo khali panne
jinhein kora choda tha aaj tak humne
rang bharenge aaj har panne par

aaj baithe hain hum kitaab khol kar
un rangon ka matlab samajhne
jinki pehchaan bhi na thi aaj tak

aaj baithe hain hum kitaab khol kar....